Кешенде түрлі бағытта қызмет көрсететін кәсіби дәрігерлер қабылдайды және диагностикалық қызметтер, зертхана, күндізгі стационар мен амбулаториялық хирургия орталығы жұмыс істейтін болады.
Тұрғылықты жеріне қарамастан, әр адамның денсаулық сақтауына тең мүмкіндіктер қарастырылды.
Табиғи жарық, ашық түсті қабырғалар және оңай навигация ем алушыларға өздерін еркін әрі сенімді сезінуіне ықпал етеді. Балалар бөліміне арналған жеке кіреберіс пен қозғалысы шектеулі адамдар үшін қарастырылған арнайы шешімдер медициналық ортаны барынша қауіпсіз әрі ыңғайлы етеді.
- Бірінші қабаттың суретін қосыңыз
Ғимаратқа кіретін негізгі аймақ және пациент маршрутының басты бағыттарының бірі.
Мұнда негізгі вестибюль, арнайы фильтр орнатылған балалар бөліміне жеке кіреберіс, тіркеу орындары мен гардероб орналасады.
Сондай-ақ бұл қабатта КТ, МРТ және рентген кабинеттері бар сәулелік диагностика бөлімі, дәріхана пункті мен анализге биоматериал алу орындары болады.
Қажетті қызметтердің бәрі – алғашқы қадамнан-ақ қолжетімді.
- Екінші қабаттың суретін қосыңыз
Арнайы медициналық көмек
Емханада жалпы практика дәрігерлері мен терапевтерге арналған 6 кабинет, оториноларинголог, офтальмолог, стоматолог, хирургиялық көмек көрсету кабинеттері орналасады.
Пациенттер үшін күндізгі стационар қарастырылған. Екі бөлімде ортақ мейірбике бекеті қызмет көрсетеді.
Әйелдер консультациясында акушер-гинеколог қабылдайды және УДЗ және ФКГ қызметтері көрсетіледі. Медициналық қызметкерлер үшін әкімшілік блок және 24 орындық конференц-зал болады.
- Интерьер суретін қосыңыз
Жайлылық пен тыныштық сыйлайтын сәулет
Double A Design Group әзірлеген дизайн-концепциясы медициналық кеңістікке жаңаша көзқарас ұсынады. Ашық еменмен, сәлбенмен түстес жұмсақ бояулар мен табиғи жарық кеңістікке жылу беріп, пациенттер мен дәрігерлер үшін жайлы әрі тартымды атмосфера қалыптастырады.
- Балалар бөлімінің суретін қосыңыз
Балаға жайлы орта
Балалар бөлімі кішкентай пациенттер өздерін жайлы әрі еркін сезінетін мейірімді және тыныш орта ретінде жобаланған.
Тіркеу орнындағы аласа үстелдер балалармен көз деңгейінде қарым-қатынас жасауға мүмкіндік береді. Жылы сары және ақ түстердің үйлесімі мен бұлт бейнелері кеңістікке жеңіл, ойынға толы көңіл күй сыйлайды.
Фильтр орнатылған жеке вестибюль пациент ағынын бөлуге және инфекциялардың өзара таралу қаупін азайтуға мүмкіндік береді.
- Навигация суретін қосыңыз
Қажетті бағытты оңай табу
Ірі әрі анық әріптер, түрлі түстермен бөлінген аймақтар, қабырғалар мен едендегі визуалды белгілер пациенттерге қажетті бағытты оңай табуға көмектеседі.
Навигациялық жүйе пациенттер ағынын реттеп, олардың қажетті бөлімге кедергісіз жетуіне мүмкіндік береді. Сонымен қатар, навигация - интерьердің дизайнымен үйлеседі.
- Кедергісіз орта суретін қосыңыз
Мүмкіндігі шектеулі пациенттерге ыңғайлы
Емхана кеңістігі мүмкіндігі, қозғалысы шектеулі пациенттердің қажеттіліктерін ескере отырып жобаланған. Кез-келген адам ғимарат ішінде қауіпсіз, еркін әрі өздігінен қозғала алады.
Емханада пандустар, тактильді бағыттаушы жолақтар және табалдырықсыз кіреберістер болады. Жүк көтергіштігі 1 000 кг үш жолаушылар лифті барлық қабатқа ыңғайлы қатынауды қамтамасыз етеді.
Екінші және үшінші қабаттарда қозғалысы шектеулі адамдарға арналған қауіпсіз аймақтар, ал арнайы санитариялық тораптарда жедел көмек шақыруға арналған шұғыл шақыру жүйесі бар.
